Haweenay Caan Ah Oo Cayayaan Ay Karsatay Cuntay, Ubadkeedana U Diiday!

Cambodia 26. February 2017 (SDN/QJ):- Angelina Jolie waxay ka mid tahay jilyaasha ugu caansan, waxaanay ku guuleysatay Abaal-marinta Golden Globe ee lagu maamuuso dadka jilayaasha ah, iyo kuwo kale oo Caalami ah, waxaanay ku caan baxday arrimaha samafalka iyada oo marrar dhawr ah loo doortay Haweenayda ugu Saamaynta badan Dunida sida ay ku sheegeen warbaahinta reer galbeedku.

Angelina Jolie ayaa socdaal ku tagtay Dalka Cambodia, waxaanay sheegtay inay aad u jeceshay dalkaasi oo uu ka soo jeedo ilmaheeda ugu weyni, balse waxa aad loola yaabay tallaabada ay ku kacday intay halkaasi ku sugneyd, kadib markii ay warbaahintu baahisay muuqaalo muujinaya in ay soo urursatay Cayayaan oo ay karsatay dabadeedna ay Cuntay, mid ka mid ah ilaaladeeda gaarka oo wehelinayay ayaa sheegay inay ubadkeeda u diiday inay cunaan, waxaana ilaa iyo haatan la garan layahay sababta ku kaliftay arrintani.