Ciyaartoyga Messi Oo Wacyigalin Caafimaad Ku Tagi Doona Dalka Masar Toddobaadkan !

Qaahira 14. February 2017 (SDN/QJ):- Weeraryahanka caanka ah ee u ciyaara naadiga Barcelona ayaa la filayaa inuu booqasho ku tago Dalkaasi Masar maalinta Arbacada ee beri, ujeedada booqashada Messi ayaa la xidhiidha wacyigalin dhinaca caafimaadka ah.

Barnaamijka wacyigalinta ah ee uu ka qayb qaadanayo Ciyaaryahan Messi ayaa waxa ka masuula Torre and Cure, waxaanay sheegeen in dhammaan waddooyinka caasimada Dalka Masar ee Qaahira uu ka muuqan doona Sawirada Messi, maadaama oo barnaamijka wacyigalinta ee uu ka qayb qaadanayaa uu yahay mid lagu dabar jarayo xanuunada aadka u xun ee ku dhaca beerka iyo sidoo kale inuu cadeeyo Messi in Dalka Masar loo tagi karo labada dhinac ee Caafimaadka iyo Dalxiiska.