Wiil 18 Jir Ah Oo La Filayo Inuu Dhawaan Noqdo Ninka Ugu Dheer Adduunka !

Hargaysa 07. February 2017 (SDN/QJ):- Wiil dhallinyar ah oo la yidhaa Brooke Brown, Da’diisuna tahay 18 jir, dhererkiisuna yahay yahay 2,32 Mittir, sanad kastana waxa ku kordha dherer dhan 15cm guud ahaan ragga ku nool dunida ayaa waxa la xaqiijiyay in koriinka jidhkoodu uu istaago marka ay Da’doodu gaadho 22 jir, balse wiilkan dhallinyarta ah ayaa la filayaa haddii uu Da’daasi gaadho inuu noqon doono ninka ugu dheer Adduunka.

Ninka haatan ugu dheer Dunida waxa uu dhererkiisu yahay 2,46m, laakiin xaalada Brown ayaa waxay dhakhaatiirtu ku tilmaameen inay tahay xaalad aad u adag iyada oo koriinka noocan ah uu ugu wacan yahay xanuun la yidhaa Sotos Syndrome, waxaanay waalidka Brown sheegeen in si aad ah uu uga Cawdo dhabar xanuun Ba’an.