Muslimiin Si Heer Sare Ah Loogu Soo Dhaweeyay Los Angeles, Kadib Go’aankii Trump Uu Kaga Mamnuucay Soo Galitaanka Dalkaasi !

Los Angeles 06. February 2017 (SDN/QJ):- Dadka ku dhaqan Magaalada Los Angeles ee Dalkaasi Maraykanka ayaa waxay si aad u heer saraysa u soo dhaweeyeen Dad Muslimiin ah oo soo caga dhigtay Gagida Diyaaradaha ee Magalaadaasi iyada oo Madaxweynaha Dalkaasi uu soo saaray go’aan uu kaga joojiyay Dadka Muslimiinta ah inay galaan Dalkaasi.

 

Dr Ali Jaber Almashnawi oo ka soo jeeda Dalka Sucuudiga ayaa wareysi uu siiyay Shabakada wararka ee Haffington Post waxa uu ku  yidhi “Markii aan gaadhay gagida Diyaaradaha ee Magaalada Los Angeles waxa joogay Dad aad u badan oo ay ka mid ahaayeen Looyaro, waxaanay kor u hayeen Boodhadh ay dareenkooda ku cabirayeen iyaga oo aan wax adduun ah ku doonayn”.

DR Ali oo sii watta hadalkiisa ayaa waxa uu yidhi “Tusaale ahaan Dadka ka soo dagayay Diyaarada waxa ku jiray nin xidhnaa Dhar Pakistani ah aad ayaana loogu sacab tumay oo loo soo dhaweeyay, sidoo kale waxa ku jirtay Dadkaasi haweenay u dhalatay Dalka Sucuudiga oo niqaam gashanayd waxaana loo soo dhaweeyay si aad u heer saraysa aadna waa loogu sacaba tumay”.