DAAWO: Qoysas Abaartu Ka Soo Baro-kicisay Gobollada Bariga Oo Maanta Deeq La Gaadhsiiyey

Gebilay 27. January 2017 (SDN/QJ):-Qaar ka mid ah Dadweynaha reer Somaliland ee ku dhaqan Dalalka Dibadda, gaar ahaan Ingiriiska iyo Imaaraadka Carabta, ayaa Deeq Lacageed soo soo gaadhsiiyey Qoysas Abaartu ka soo baro-kicisay Gobollada bariga oo deggan banka u dhexeeya Degmooyinka Kalabaydh iyo Dila.

Qoysaskan oo hore Xaaladda ay ku sugan yihiin uu War-bixin uga diyaariyey Telefiishanka Universal isla-markaana Shabkada Qurbejoog sii faafiyey, ayaa Lacagta loogu soo deeqay waxa Maanta gaadhsiiyey Weriye Cabdirashiid Cabdiwahaab Xuseen oo ka tirsan Telefiishanka Universal, ahna Weriyaha hore uga diyaariyey War-bixinta, kaasi oo uu wehelinayey Guddoomiyaha Jimciyadda Al-raxma Al-khayriya Sheekh Cabdalle.