“Warbixin Dhiiga ku kicisay Madaxweyne Donald Trump iyo Hanjabaad uu u diray Saxaafada dalka Mareeykanka DAAWO

Washington 25. January 2017 (SDN/QJ):- Inta badan Saxaafada Caalamka gaar ahaan kuwa gudaha dalka Mareeykanka ayaa dhiiga ku kiciyay madaxweynaha cusub ee dalka Mareeykanka Mr.Donald Trump kaas oo iminka hanjabaad cusub bilaabay .

Telefishinada gudaha dalka Mareeykanka ayaa soo bandhigay cadeeynta Muuqaalo ay soo aruuriyeen xiligii la caleemo saarayay Madaxweyne Barack Obama taas oo eheed 20-kii bishii Janaayo sanadkii 2009-kii , waxaana xafladii Caleemo saarkiisa ka soo qeeyb galay shacab aad u fara badan oo dhamaan soo buux dhaafiyay xarunta Washington iyo xaafadaha ku dhaw dhawba .

Caleemo saarkii sanadkaan loo sameeyay Madaxweyne Donald Trump oo isla goobtii ka dhacday 20-kii bishaan Janaayo 2017-ka ayay Saxaafada waxey ku sheegeen inay ka soo qeyb galeen dad yar oo Cunsuriyiin ah iyo dad kale oo ka shaqeeysta shirkadaha Mr.Donald Trump .

Madaxweynaha cusub ee dalka Mareeykanka Mr.Donald Trump oo noqday shaqsi aad u fudud ayaa waxa uu u adkeeysan waayay Saxaafada mar kaste daba dhigata , wuxuuna iminka hawada u soo mariyay hanjabadii ugu kululeed in kastoo dalka Mareeykanka Qalinka la isku rido .