Maxaad Ka Taqaan 11-ka Xiddig Ee Ugu Caansan Musaaracada WWE Iyo Kooxaha Ay Ka Taageeraan Kubadda Cagta?
Hargaysa 09. October 2016 (SDN/QJ):-Qaar kamid ah shaqsiyaadka ugu caansan ee ciyaara Musaaracada WWE ee caanka ah ayaa la ogaaday inay aad u taageeraan qaar kamid ah kooxaha kubadda cagta ciyaara.
Shaqsiyaadkan ayaa dhamaantood waxa ay fursad u heleen xarunta shaqsi walba kooxda uu taageero waxaana ay isku soo sawireen qaar kamid ah ciyaartoyda iyo sidoo kale dirayska ay kooxahaasi xidhaan. Inkastoo badankoodu ay kasoo jeedaan horyaalka inta badan ay ka xamaashaan ciyaartoyda da’da ee MLS haddana waxaad dareemeysaa in ragga looga hadhay WWE ay aad u taageeraan kooxaha ugu caansan caalamka oo qaarkood ka dhisan yihiin Spain iyo England.
Haddaba Liiskan Ka Eeg Ciyaartoyda Musaaracada Qaarkood Iyo Kooxaha Ay Taageeraan:
1-Rusev– Real Madrid
Rusev oo ah shaqsi si aad ah looga yaqaan musaaracada, waxaa la sawiran oo la taagan aktaradda reer Mareeykan ee Lana, waxaa ay labaduba ay si aad ah u taageeraan kooxda Real Madrid. Marar badan ayuu ninka xoogga badan ee ciyaara WWE kusoo bandhigay bartiisa Twitter-ka taageerida uu u haayo kooxda Real Madrid.
2-Sheamus – Liverpool
Cidna daah kama saarna in shaqsigani uu yahay taageere wayn ee kooxda Liverpool, markaad eegto qaabka uu dareenkiisa u matalayo, waxaana uu inta badan booqdaa kooxda Anfield ka dhisan.
3-Fandango – Everton
Everton waxaa ay kamid tahay kooxaha caalamka ee taageerayaasha ugu caansan sheegtaan ama ay taageeraan , Fandango waxaa uu aad u taageeraa Everton. Marar badan ayey ku ciyaareen gudaha garoonka heesta uu caanka ku yahay marka uu xalbadda musaaracada saaranyahay xiddigan waxaana ay ku muujinayaan inuu yahay taageere wayn.
4-Kofi Kingston – Chelsea
Kofi Kingston waxaa uu taageeraa kooxda caanka ah ee Chelsea oo uu aad u jecel yahay, waxaana uu ku biiray shaqsiyaadka caanka ah ee kasoo jeeda qaaradda Madaw ee Afrika kuwaasi oo taageera kooxda Chelsea.
5- Adrian Neville – Newcastle United
Adrian waxaa uu kamid yahay xiddigaha taageerayaasha ugu caansan kooxda Newcastle United , laakiin xiddigan ayaa aad ugu waalan kooxdan oo hadda ka ciyaarta heerka labaad ee England Championship.
6- Bad News Barrett – Preston North End
Waa magac kale oo ka xamaasha Musaaracada , laakiin waxaad la yaabantahay kooxda uu taageero, waana sax waxaa uu inta badan Bad News jecelyahay kooxdan oo mar holac ka ahayd Primer League aadna looga yaqaanay waxaanay ka soo jeedaa deegaanka uu ka soo jeedo.
7- Alberto Del Rio – Real Madrid
Alberto waxaa uu taageeraa mid kamid ah kooxaha ugu guulaha badan kubada cagta , Real Madrid waa kooxda ugu caansan qaaradda yurub maadaama ay tahay kooxda ugu badan ee ku guuleeystay Champions League. Del Rio aadbuu u jecel yahay Real.
8- Rey Mysterio – Real Madrid.
Marka laga yimaad inuu yahay shaqsi aad u jecel xulka qaranka Mexico oo uu la hayb yahay, haddana waxaa uu Rey aad u taageeraa kooxda Real Madrid. Shaqsigan ayaa marar badan booqday garoonka Bernabue ,waxaana uu muujiyey inuu yahay taageere dhab ah oo kooxda Real Madrid ah.
9–Stone Cold Steve Austin – Bolton Wanderers
Waa wax lala yaabo waxaa Laga yaabaa inaad u maleeyneysey inuu taageero mid kamid ah kooxaha waqtigan ugu tunka weyn kubada cagta, laakiin waxaaa uu shaqsigani aad u taageeraa kooxda Bolton Wanderers oo iyana ka maqan Premier League.
10-The Rock – Manchester United
Rock waa taageero caan ah , aad ayaana loo wada garanayaa waxaa uu aad u taageeraa kooxda Manchester United, marar badan ayaana la arkay isagoo ku sawiran dirayska kooxda Manchester United.
11 John Cena – Tottenham Hotspurs
Waa Hubaal John Cena inuu yahay shaqsiga ugu caansan Musaaracada WWE, haddana waxaa uu taageeraa mid kamid ah kooxaha waqtigan wacdaraha ka dhigaya horyaalka England Primer league inkasta oo laga weyn yahay oo aanay ahayn koox weyn, waana Tottenham. Waxaa uu nasiib u yeeshay inuu la kulmo madaxdii kooxda sanadkii 2008 xilli uu booqday kooxda ,waxaana uu guddoomay funaanadda kooxda.