“Reer Kulmiye waxay yidhaahdaan dhaartii uunbaa noo hadhsan, Mar hadaad markhaatigii Faysal Cali Waraabe haysataan dee imika halaydin dhaariyo’’ Marwo Rooda Axmed Yaasiin DAAWO

Hargaysa 29. November 2016 (SDN/QJ):- Gudoomiyihii Hore ee Xisbiga Ucid ee Gobolka Saaxil Marwo Rooda Axmed Yaasiin haatana ka mid ah Garabka Jamaal Cali Xuseen Hogaaminayo ayaa Sheegtay in Xisbiga Kulmiye ahaa kii Sida weyn ugu jiray Burburka Xisbiga Ucid iyo in Daaqada laga Saaro Murashaxnimada Jamaal Cali Xuseen, Taas awgeedna ay Xidheen Wada Hadal ay Markii hore la fureen iyadoo Sheegtay in Wada Hadalkaasi uu ka Yimid dhinaca Xisbiga Kulmiye oo dan Siyaasi ah u arkaya Sida ay Sheegtay in Jamaal Cali Xuseen laga Takhaluso hankiisii Siyaasadeed.

“Reer Kulmiye waxay yidhaahdaan dhaartii uunbaa noo hadhsan, isagoo odaygii wali aanu ka dagin kursiga. Waxaan leeyahay mar hadaad markhaatigii Faysal Cali Waraabe haysataan dee imika halaydin dhaariyo. Ilayn burburka ucid iyo musharaxnimada jamaal oo meesha ka baxda ayaad guul u qabtaan, kaalintayadii baanu taaganahay Kulmiye waanu joojinay wada hadalkii aanu ka fadhi waynay albaab garaacooda. Dhaqan xumadana waa lagu yaqaan”. Marwo Rooda Axmed Yaasiin