4:15 am | Posted by

Xaalad Abaareed oo Ka Taagan Deegaanada Somaliland Iyo Madaxweynaha Siilaanyo Oo Ku Baaqay Salaad Roob-doon Ah

Hargaysa 01.Novembar 2016 (SDN/QJ):- Madaxweynaha Somaliland Md. Axmed Maxamed Maxamuud (Siilaanyo), ayaa guud ahaan Dadweynaha reer Somaliland ugu baaqay in Arbacada Toddobaadkan la iskugu soo baxo Salaad Roob-doon ah, maaddaama oo meelo badan oo Dalka ka mid ah ay ka jirto Abaar.

madaxweynaha-jslSidaana waxa sheegtay Wasaaradda Diinta iyo Awqaafta JSL oo Qoraal Ogeysiis ah Dadweynaha ugu soo dirtay Moobilladooda Gacanta.

Ogeysiiska Wasaaradda Diinta iyo Awqaafta ee Tukashada Salaadda Roob-doonta ah, ayaa u qornaa sidan, “Wasaaradda Diinta iyo Awqaafta JSL waxay ogeysiinaynaa dadweynaha ku nool Jamhuuriyadda Somaliland in Dalka Laga tukan doono haddii Rabbi idmo Salaad Roob-doon ah Maalinta Arbacada oo ay Bishu tahay 02/11/2016. Saacaddu markay tahay 8:30 Subaxnimo, taas oo uu amray Madaxweynaha JSL, haddaba waxa la farayaa Imaamyada Masaajiddada iyo Dadweynaha inay sidaas ula socdaan uguna diyaar-garoobaan Salaadda iyo Ducada.”

Madaxweynaha Somaliland waxa Xilligan Safar Shaqo ugu maqan yahay Dalka Itoobiya oo isaga iyo Wefti uu Hoggaaminayaa tageen Jimcihii Toddobaadkan.

Comments are closed