Xulka Gobolka Saaxil oo 4 Gool Iyo Eber Ugu Awood Sheegtay Xulka Gobolka Xaysimo & Dareenka Garoonka Hargaysa Stadium SAWIRO

Hargaysa 27.October 2016 (SDN/QJ):-Xulalka Gobolada Xaysimo iyo Saaxil ayaa Maanta Ku Kulmay Furitaanka Wareega Rubuc Dhamaadka Tartanka Ciyaaraha Gobolada Somaliand oo Galabta ka furantay Garoonka Kubada Cagta ee Hargaysa Studium.

Qaybtii Kowaad ee Ciyaarta ayaa Xulka Gobolka Saaxil Waxay la Yimaadeen Sadex Gool Markii la isugu soo Noqday Qaybtii labaad ee Ciyaarta ayaa Xulka Gobolka Saaxil Waxay la Yimaadeen Goolkii 4aad ee ay Guushu ku raacdo Waxayna Ciyaartu ku dhamaatay 4 Gool Iyo Eber ay ku badiyeen Xulka Gobolka Saaxil.

Waxa iyana xusid mudan in ciyaar yahanka numberka shanaad ama daafaca uga ciyaara gobolka saaxil uu qaatay kaadhka cas dibedana looga saaray ciyaarta, balse aanay u dhutin xulka gobolkiisa saaxil ciyaarta ay la lahaayeen Xulka Gobolka Xaysimo.

Waxaa Maalinta Beri oo Jimce ah is haleeli doona Xulalka Gobolada Awdal iyo Sanaag.

Madaxweynaha Jamhuuriyadda Somaliland, Mudane Axmed Maxamed Silaanyo oo ay wehelinayso Marwada koowaad ee qaranka Somaliland, Marwo Aamin-weris Sheekh Maxamed Jirde, iyo xubno ka mida golaha wasiirada, gudoomiyaha gobolka maroodijeex, maayarka caasimada, salaadiin, xildhibaano, iyo bulshada qaybeheeda kala duwan ayaa Madaxweynughu waxa uu si rasmi ah u furay wareega labaad ee tartanka gobolada dalka Somaliland.