Somalia oo Cadaysay in Sababta ay Qaadka u Joojisay la Xidhiidho Taageero uu Somaliland u fidiyey Gudoomiyaha Gobolka Miiroo
Nairobi 09.Sep 2016 (SDN/QJ):- Danjiraha Somalia u jooga Kenya, Ambassador Jamaal Xasan ayaa sheegay inay sababaha ay Dowladda Soalia u joojisay Qaadka laga keenyo Kenya u sabab yahay Guddoomiyaha Gobalka Meru ee Kenya, Peter Munya.
danjireAmbassador Jamaal Maxamed Xasan oo Wareysi siiyey Wargeyska The Nation ee ka soo baxa Nairobiu ayaa tilmaamay inuu Peter Munya isticmaalay Ganacsiga inuu u ololeeyo sidii uu Somaliland u go’I lahaayeen dalka Somalia.
Ambassador Jamaal Mohaed Hassan Waxa uu xusay in socdaalkii uu Peter Munya bishii July ku tegay magaalladda Hargeysa sababtay Cadaadis Siyaasadeed ka abuurtay gudaha Somalia, taasi oo keentay in la joojiyo Ganacsiga Qaadka Kenya ee loo iib geysan jirey dalka Somalia.
“Waxa uu isku xidhay Midnimadda Xuduudaha Dalka iyo Ganasiga Qaadka wuxuuna farageliyey Arrimaha Gudaha ee dalka” ayuu yidhi Danjiraha Somalia u jooga Kenya.
Waxa uu intaasi ku daray inay arrintaasi ku keentay Dowladda Somalia cadaadis aan loo dul qaadan Karin, taasi oo keentay inay Dowladda Somalia joojiso Qaadka laga keeni jirey Kenya.
Dhinaac kale, Danjiraha Somalia u jooga Kenya, Ambassador Jamaal Maxamed Xasan waxa uu Wareysiga uu siiyey The Nation ku sheegay inay Dowladda Federalka arrinkaasi kala aajoonayso Dowladda Kenya si loogu helo Xal Saaxiibtinimo.
piterGuddoomiyaha Gobalka Meru ee ay ku yaallaan Beeraha Qaadka ee Kenya, Peter Munya waxa uu bishii July booqasho ku tegay magaalladda Hargeysa, wuxuuna la kulmay Madaweyne-ku-xigeenka Maamulka Somaliland, C/raxaan Ismaaciil Zeylici iyo Wasiiradda Arrimaha Dibedda iyo Maaliyadda ee Maamulkaasi.
Peter Munya waxa uu Madaxda Somaliland u sheegay inay u fasaxaan in Qaadka Kenya loo iib keeno Smaliland, si uu isaga ugu ololeeyo sidii ay Dowladda Kenyaa u aqoonsan lahayd Ictiraafka Dowladnimo ee Somaliland.
Somaliland oo ku dhawaaqday sannadkii 1991-kii inay ka go’een Dalka Jamhuuriyadda Somalia, balse ilaa haatan ma jirto Dowlad aqoonsatay Gooni-isku-taagga Somaliland.