Guddoomiyaha Xisbiga WADDANI oo Khudbad u Jeediyey Shacabka Reer Arabsiyo+ Kaftan Siyaasaddeed Ku Duray Muuse Biixi iyo Baaq-Nabaddeed oo uu u Direy Beelaha Ku Diriray Deegaanada Ceel-afweyn DAAWO

Gebilay 05.Sep 2016 (SDN/QJ):- Guddoomiyaha xisbiga WADDANI Dr.Cabdiraxmaan M.Cabdillaahi (Cirro) oo la hadlaayey boqolaal ka mid ah taageerayaasha isbedel doonka ah ee xisbiga WADDANI uu ku lee yahay magaalada Arabsiyo ee gobalka Gabiley, xilli xisbiga WADDANI uu halkaas ku soo dhaweynaayey siyaasiyiin iyo taageerayaal aad u tira badan oo ka soo diga-rogtay xisbiga KULMIYE.

Dr.Cabdiraxmaan Cirro, waxa uu khudbaddiisa kaga hadlay arrimo badan oo muhiim u ah qaranimada Somaliland, is-dhex-galka bulshooyinka ,wada-lahaanshiyaha xisbiyada Somaliland iyo weliba waxyaabaha xisbiga WADDANI uu u qaban doono deegaanada degmada Arabsiyo iyo guud ahaan ba Somaliland.

Guddoomiyahu, waxa kale oo uu mar kale baaq nabaddeed uu u diray beelaha walaalaha ah ee dirirtu ku dhex-martay deegaanada bariga ee hoos yimaada degmada Ceel-afweyn, isaga oo sida oo kale Guurtida iyo Madax-dhaqameedka na ugu baaqey in ay ka shaqeeyaan deminta colaadaas.