Ra’isal Wasaaraha Israa’il oo Lugtii Socdaalkiisa ee Qaaradda Africa ku Soo Gabo Gabeeyay Dalka Ethiopia Iyo Arrimaha ay ka wada hadleen

Addis Ababa 07.July 2016 (SDN/QJ):- Ra’iisal wasaareha Isra’iil Mr, Benjamin Netanyahu oo booqasha ku jooga dalka Ethiopia ayaa kulan la yeeshay Ra’iisal wasaareha dalka Ethiopia Hailemariam Desalegn taas oo lagaga hadlayo xidhiidhka saaxiibtinimo ee u dhaxeeya labada wadan.

Kulankan ayaa waxa kale oo lagaga hadlayaa xidhiidhka ganacsi ee u dhaxeeya labada wadan iyo la dagaalanka Argagixisada.

Ambassadorka Israeli u fadhiya Waddanka Ethiopia Belaynesh Zevadia oo la hadlay Wakaalada Wararka Ethiopia ayaa sheegay in Ra’isal Wasaaraha Israeli Netanyahu uu gacan ka siin doono Sidii Ethiopia uu uga caawin lahaa dhinacyada Tiknoolajiyada,Sayniska iyo Beeraha,Waxaanu Safiirku intaas ku daray in Booqashada Ra’isal Wasaaraha Israeli ay Weheliyaan ilaa 60 ka Mid ah Kambaniyada Waaweyn ee Wax soo saar ee dalkaasi Kuwaas oo Indho indhaynaya Sidii ay Maalgashi iyo Suuq Cusub ula yeelan lahaayeen dalka Ethiopia Taas oo Kor u qaadi doonta ayuu Yidhi Xidhiidhka Labada dal Isla markaana ay Qalinka ku duugi doonaan Heshiisyo Iskaashi oo ku saabsan dhinacyada Ganacsiga iyo Maalgashiga.

Ra’isal Wasaaraha Israeli Netanyahu Wuxuu booqday Madxafka Qadiimiga ah ee Waddanka Ethiopia.

Ra’iisal wasaareha Isra’iil Natanyahu ayaa booqashadiisa uu ku marayo gobolka geeska Afrika waxa uu ku tagay wadamo ay ka mid yihiin Yugaanda, Ruwanda ,Kenya iyo Itoobiya.

Waana Booqashadii Kowaad inta la Og yahay ee Ra’isal Wasaare Israa’I ka socdaa uu ku Yimaado Qaarada Africa.