Al Shabaab oo sheegatay inay ciidamo Maraykan ah gacanta iskula tageen

Shabeellada hoose 11,May  2016 (SDN/QJ):- Kooxda Al-Shabaab ayaa sheegtay inay ciidamo Ameerikaan ah isku fara sareen deegaanka loo yaqaan Tooratooroow ee gobolka Shabeellada hoose.

 

Kooxda ayaa warbaahintooda ku sheegay inay iska caabbiyeen weerar cirka ah oo ay soo qaadeen ciidamo Maraykan ah oo wata diyaaradaha qumaatiga u kaca balse ay iska caabbiyeen oo cashar u dhigeen.

 

Si rasmi ah looma xaqiijin karo ciidanka kooxdaas soo weeraray inay ahaayeen American iyo in kale.

 

Kooxda waxay sidoo kale sheegeen in ciidamadas Maraykanka ah ay soo dageen oo weerar kusoo qaadeen balse ay dib u caabbiyeen oo meeshii ay ka yimaadeen ku celiyeen.

 

Maraykanku arintan wali kama hadal iyo waxa ka jira sheegashada Shabaab, balse dhowr goor oo hore ciidamada sida gaarka ah u tabobaran ayaa hawl gallo ka sameeyay meelo kamid ah Shabellada hoose