Shil Aad U Fool Xun Oo Ay 70 Qof Ku Dhinteen Oo Afganistan Ka Dhacay

Kabul,10.May 2016 (SDN/QJ):- Ugu yaraan 72 qof ayaa ku dhintay kuwo kalena waa ku dhaawacmeen shil fool xun oo ka dhacay wadanka Afganistaan,waxaana shilkani ka dhashay laba bas iyo booyad isku dhacay. Shilka ayaa yimid sida goobjoogayaal ku warameen kadib markii mid kamid ah Basaska rakaabka siday uu damcay in uu dhaafo baska kale, waxaana wadada soo galay gaari booyad ah oo shidaal waday, waxaana sidaa iskula dhacay labada Bas iyo booyadii.

Gaarigii Booyada aheed ee shidaalka waday ayaa la sheegay in ay qaraxady markii uu ku dhacay gaariga baska ah, waxaana halkaasi ka dhashay dab xoogan oo qabsaday labada gaari ee baska ah iyo gaarigii Booyada ahaa.

In ka badan 72-qof ayaa la xaqiijiyay in ay ku dhinteen shilkaasi, waxaa sidoo kale ku dhaawacmay dad kale oo aad u badan kuwaa oo qaarkood qaba dhaawacyo culus, dadka dhintay ayaa u badan haween iyo caruur.

Shillaka ayaa caadi ah ka ah dalka Afgaanistan,waxaana lagu eedeeyaa wadayaasha gawaarida gaar ahaan kuwa dadweynaha in ay cabbaan xashiishka, sidoo kale at itsicmaalaan Opium iyo daroogooyinka kale.