Magaalada Jigjiga Oo Ka Furmay Kulan uu Dhex dhexaadinayo Madaxweynaha Juba-land Kaas oo Lagu Wada hadalsiinayo Maamulka Kililka Shanaad & Maamul Goboleedka Gal-mudug Dagaalki Dhawaan Dhexmaray DAAWO

JigJiga 02.May 2016 (SDN/QJ):- Madaxwaynaha maamulka Galmudug C/kariim Xuseen Guuleed iyo wafdi ka socda Galmudug ayaa gaadhay magaalada Jigjiga si ay wada xaajood ula soo yeeshaan madaxwaynaha ismaamulka Soomaalida Itoobiya Cabdi Maxamed Iley.

Wada xaajoodkaan waxaa garwadeen ka ah madaxawaynaha maamulka Jubbaland Axamed Maxamed Islaan oo dadaal dheer u galay in colaaddii ka dhacday dhawaan xuduudda Soomaaliya iyo Itoobiya aysan mar danbe soo laaban.

 

C/kariim Guuleed si diiran ayaa loogu soo dhaweeyay Jigjiga, waxaana halkaasi uga sii horeeyay madaxwaynaha maamulka Jubbaland.

 

Arinta sida gaarka ah diiradda loo saari doono waa inaan mar danbe lasoo celin colaaddii xudduudda ee ay ku naf waayeen dad  Soomaaliyeed oo aan waxaba galabsan.