Magacyada Marxuumiintii ku Geeriyooday Shilkii Baabuur ee Maanta ka Dhacay Duleedka Bari ee Caasimada Hargaysa

Hargaysa 27.April 2016 (SDN/QJ):-Shil gaadhi oo khasaare nafeed gaystay ayaa maanta ka dhacay duleedka bari ee caasimadda hargaysa waxana ku dhintay shan qof ka dib markii Laba Booyadood oo ka mid ah Gaadiidka Biyaha u soo Qaada Magaalada hargaysa ay isku dhaceen .
Shilkan ayaa ka dhacay meesha lagu magacaabo Burcada yar ee Bariga hargaysa Waxaana ku dhaawacmay hal qof.

Labadan Booyadood waxaa kala Saarnaa 4 Qof halka ta labaadna ay saaarnaayeen Laba Qof waxayna la sheegay inuu dhaawac soo gaadhay mid ka mid ah Daleewaradii labadan baabuur waday kaas oo dhaawaciisa lagu dawaynayo Cisbitaalka Guud ee Magaalada Hargaysa
Shabakada Qurbejoog.com oo la Xidhiidhay Taliska Ciidanka Nabadgalyada Wadooyinka ee Magaalada Hargaysa ayaa noo Xaqiijiyey Magacyada dadka ku Naf waayay Shilkan Baabuur Waxayna kala Yihiin:-
Xamse Muuse Madar
Mustafe Maxamed Axmed
Saleebaan Cali Cumar
Axmed Cabdi Maxamed
Iyo Marxuunka Shanaad oo Magaciisa lagu soo Koobay Xamse
Shilalka ay sababaan Gaadiidka Booyadaha ayaa Mudooyinkii u danbeeyay aad u soo Kordhayay Taas oo lagu sababeeyo Xawaaraha Xoogan ee ay ku socdaan iyo Mas’uuliyad daro ka timaada dhinaca wadayaasha Gaadiidka.