Dhageystayaasha Idaacadda BBC-da Oo Ku khasbay Inay ka Saarto Muuqaalka Gabadh Wariye Ah Oo Aan Asturnayn
London — Dhagaystayaasha BBC Somali ayaa si kulul uga horyimid muuqaal gabadh wariye somali ah oo ka tirsan oo iyadoo aan asturnay muuqaal war akhrinaysa la soo galiyey BBC Somali Facebook iyo BBCsomali.com. dadka Barahaasi internetka ee BBCSOMALI ku xidhan ayaa ku tilmaamay muuqaal anshax xumo ah, isla markaasina si kulul u dhaleeceeyay taasi oo aakhirkii ku qasabtay in ay ka saaran muuqaalkaasi, iyada oo ay gaadhay madaxda ugu saraysa BBC ee ay hoos tagto laanta Afsoomaaligu.
Haweenayda wariyaha ah ee muuqaalka kasoo muuqatay ayaan xidhnayn dharka gabdhaha muslimiinta ah lagu yaqaanno, iyadoo taas baddalkeesa sidatay dhar inta badan ay cawradeedu muujisnayd gaar ahaan madaxa oo aanay waxba u saarnayn.
Haddaba hoos ka akhriso warka kasoo baxay maamulka BBC.
Bogga internet-ka BBC Somali iyo Facebook, waxaanu ka saarnay muuqaal Fiidiyoow sharaxaad ah, maadaama ay noola muuqatay in qaar ka mid ah dhagaystayaashu xadgudub u arkeen fiidiyowgaas, waxaanu ka walwalnay ammaanka shaqaalaheena.
Fiidiyowga, waxaa ka muuqda gabar tabiye ah, oo madaxa uusan u daboolnayn.
Muhiimadeenna, ugu horaysa waa in aan xaqiijinno ammaanka shaqaalaheena. Sidaa darted, ayaanu baraheenna uga saarnay fiidiyowga.
Balse, arrintan waa mid muhiim ah, oo dhagaystayaasheennu aragtiyo kala duwan ay ka kala qabaan, taa darteed, waxaanu ka fiirsan doonnaa sida aan u wajahayno arrintan oo kale mustaqbalka.”