War Deg Deg Ah: Qarax Xooggan Oo Goordhaweyd Ka Dhacay Magaalada Muqdisho
Muqdisho,19Dec,2015(QJ/SDN)-Wararka naga soo gaadhaya magaalada Muqdisho ee caasimadda Soomaaliya ayaa sheegay in halkaasi qarax ka dhacay goordhaweyd.
Sawir Hore; Laamiga Maka Almukarama oo qarax ka dhacay
Dhawaqa Qarax aad u xoogan ayaa goor dhaweyd waxaa laga maqlay Laamiga Maka Al-Mukarama ee Magaalada Muqdisho, waxaana qaraxa kadib sidoo kale la maqlay rasaas aan la ogeyn cida rideysay.
Sida aan wararka hordhuca ah ku heleyno qaraxa ayaa ka dhacay Laamiga Maka Al-Mukarama gaar ahaan inta u dhaxeysa Hotelka Maka Al-Mukarama iyo Isgooska Shaqaalaha , waxa uuna qaraxu ka dhacay afaafka hore ee Carwada Al-Kowthar.
Gaadhi waxyaabaha qarxa laga soo buuxiyay oo la dhigay hareeraha laamiga ayaa la sheegay in uu qarxay ,lamana oga in qaraxaasi cida sida rasmiga ah loola eegtay iyo bartilmaameedkiisa , waxa uuna ahaa qaraxa mid si weyn looga maqlay inta ugu badan magaalada Muqdisho.
Ciidamada ammaanka Dowlada Soomaaliya ayaa gaadhay goonbta iyagoo gabi ahaana xidhay halka uu qaraxu ka dhacay, waxaana goobtaasi laga qaaday dhaawacyo dad u badan rayid oo waxyeello kasoo gaadhay qaraxaasi, waxaa sidoo kale jira dad ku dhintay qaraxaasi kuwaa oon tiradooda rasmiga ah la ogeyn.
Wixii Wararka Ah Ee Kasoo Kordha Qaraxaasi Kala Soco Qurbejoo.Com Insha Allaah.