Hooyo Soomaaliyeed Oo Ku Xanuunsanaysay Duleedka Magaalada Garoowe Oo Si Wanaagsan Loo Soo Caawiyay DAAWO

Garowe,11Nov,2015(QJ/SDN)-Qoys Soomaaliyeed Oo Danyar ah kuna nool duleedka magaalada Garowe ayaa waxa Caawinnimo gaadhsiiyay Bulshada Soomaaliyeed ee Daafaha Caalamka ku kala sugan.

Muuqaal laga soo duubay oo baraha bulshada si weyn ugu faafiyay ayaa muujinayay Ayeeyo Soomaaliyeed iyo Gabadh ay dhashay oo ay ka muuqato darxumo iyo baahi aad ku daran kuwaasi oo deganaa banaanka magaalada Garowe.

Wariye Cali Cabdi Ducaale oo farriinta ka hadlaysa xaalada Qoyskan shacabka Soomaaliyeed usoo bandhigay ayaa gaadhsiiyay 9,149 kun oo doolarka Maraykanka ah. Nadiifo Cusmaan, oo ah Gabadha ay dhashay Saaqo Cabdi Aadan ayaa sheegtay inay hadda is-badal xaga nolasha ah dareemayaan, balse ay weli u baahan yihiin hoy ay degaan. maadama guriga ay ku nool yihiin oo kiro ah ka kooban yahay labo qol oo banaanka magalada Garowe ku yaalla.

”Illaahey ayaa uga mahad celinaya marka hore caawinaada aan ka helay dadkayga Somaaliyeed, waxaan ugu ducaynayaa inay helaan nolal ka wanagasan tey maanta ku nool yihiin, walaalayaal waxaan u baahnahay in la isoo caawiyo, guri aan ku hayo ayaan doonayaa in lay dhiso Hooyadey Saaqo Abdi, waxaan u baah nahay in Dhakhtar lay geeyo Hooyadey oo afar sano Misigta bidix ka jaban” sidaasi Ayeeyo Saaqo Cabdi Aadan ayaa tidhi.

Haddaba, Haddii aad u baahan tahay inaad soo caawiso fadlan wac Ayeeyo Saaqa Cabdi Aadan Gabadheeda oo sida ta tellkan, 00252907483044 ama wixii aad awoodo ugu soo hagaaji Akoonka Tabarucaada Saaqo Cabdi Aadan ee AMAL Bank. Garowe- Account No: 61994. ama soo wac 00252907749546.

 Halkan Hoose Ka Daawo Muuqaalka Xaaladda Hadda Ay Ku Sugan Yihiin Qoyskaasi Soomaaliyeed:

QJ/SDN: Hargeysa