Madaxda Dunida Oo Ka Si Adag Uu Cambareeyay Gubitaanka La Gubay Qabrigii Nebi Yuusuf (C.S) – Sawirro
Jurusulam,17Oct,2015(QJ/SDN)-Subaxnimadii hore ee shalay ayaa waxaa dab la qabadsiiyay qabriga Nebi Yuusuf (CS), iyadoo dabkaasi uu waxyeelo xoogan gaadhsiiyay qabriga. Dad lala xidhiidhinayo inay ka tirsan yihiin Falastiiniyiinta, ayaa dab qabadsiiyay Qabrigaasi, xilli la tilmaamay inay ka cadheysan yihiin xadgudubyada ay ciidanka Israel ku hayaan shacabka reer Falastiin.Ra’iisal wasaaraha Israel, Benjamin Netanyahu oo ka hadlay dhacdadaasi, ayaa si kulul u cambaareeyay, Isagoona ku hanjabey inay gacan bir ah ku muquunin doonaan waxa uu ugu yeedhay Argagixisada.
Sidoo kale Mahmoud Abbas, Madaxweynaha Falastiiniyiinta ayaa isna canbaareeyay falkan, isagoona baaq u diray Bulshada Reer Falastiin, oo uu kula dardaarmay inay is xakameeyan, sharcigana dhawraan.
Ugu danbeyntii, Muslimiinta Iyo Yahuudda, Ayaa Aaminsan Dhismaha Dabka La Qabadsiiyay In Uu Ku Aasan Yahay Nabi Yuusuf, Waxaana Soo Badanaya Dhinacyada Cambaareynaya Falkaasi.
Qalalaasaha U Dhaxeeya Falastiin Iyo Israel, Ayaa Yimid Markii Maamulka Israel Uu Dadka Reer Falastiin U Diiday Inay Ku Cibaadeystan Masaajidka Al Aqsa.
