LIVE U DAAWO Tartanka Ciyaaraha ee Is araga Labaad Gobolka Maroodi Jeex oo Laga Guulaystay Iyo Daad Madheedh iyo Badhan oo 0-0 Isla dhaafi la’a

Hargaysa 11.Oct 2015 (SDN/QJ)- Xulalka Gobolada Awdal,Maroodi-Jeex, Daad-Madheedh Iyo Badhan ayaa Maanta Wada yeeshay Ciyaar ka Mid ah Tartanka Is reeb reebka Ciyaaraha Gobolada Somaliland ee Ka Socda Magaalooyinka Boorama iyo Burco.

Xulka Gobolka Awdal ee Marti geliyey Tartanka Ciyaaraha ee Gobolada Galbeedka ayaa Kulan adag waxa uu kula Yeeshay Garoonka Xaaji Daahir Cilmi ee Magaalada Boorama Xulka Gobolka Maroodi Jeex, labada Xul ayaa soo bandhigay hanaan ciyaareed farsamadiisu sarayso, waxaana qaybtii hore ee Ciyaarta u suuro gashay Xulka Gobolka Maroodijeex inay la Yimaadaan Goolkoodi Kowaad ee ay Ciyaarta ku hogaaminayeen.

Markii qaybtii labaad ee Ciyaarta la isugu soo noqday Waxay labada Xulba Garoonka la soo galeen qaab Ciyaareed ku dhisan Weerar iyo Weerar Celis iyadoo Xul waliba ku dadaalayey inay Guushu raacdo si uu u noqdo ka u Gudba Wareega 2aad ee Tartanka Ciyaaraha  ee lagu qabanayo Caasimada Hargaysa.

Hasa Yeeshee Daqiiqadihii u danbeeyay ee Ciyaarta ayaa Xulka Gobolka Awdal waxay heleen Gool ku laad kaas oo Xulka Gobolka Maroodijeex ay diideen Sharci ahaantiisa.

Xidhiidhka Kubada Cagta ayaa ku dhawaaqay in Gobolka Awdal uu ka Guulaystay Xulka Gobolka Maroodijeex isla markaana uu iska xaadirin doono Wareega labaad ee Tartanka Ciyaaraha ee ka furmi doona Magaalada Hargaysa.

Dhinaca Kale Xulalka Gobolada Daad Madheedh iyo Badhan ayaa Iyana isku Haleelay Garoonka Alamse Stadium ee Magaalada Burco Taas oo Weli labada xul aanay wax Gool ah kala dhashan.

GUJI HALKAN OO TOOS U DHAGAYSO TARTANKA CIYAARAHA GOBOLADA SOMALILAND