12 qof oo Soomaali oo lagu dilay duqeyn ka dhacday Yemen

Sanca 10.Oct 2015 (SDN/QJ)- 12 qof oo muwaadiniin Soomaali ah ayaa ku dhintay markii ay diyaaradaha dagaalka boqortooyada Sacuudi Carabiya ay duqeyeen gobolka Sa’da ee dalka Yemen.

Wakaalada Wararka ee dalka Yemen ee Saba ayaa xaqiijisay Soomaalida  lagu dilay weerarka dhinaca cirka ee diyaaradaha dagaalka Sacuudi Carabiya.

Sidoo kale diyaaradaha ayaa bambooyin la dhacay degmada Khawlan ee gobolka Sanca.

Qoysas dhowr ah ayaa sidoo kale ka qaxay degmada Mukha ee koonfur galbeed gobolka Ta’is kadib markii weeraro kale oo dhinaca cirka ay diyaaradaha Sacuudiga ku qaadeen.

Weeraro dheeraad ah oo dhinaca cirka ayaa diyaaradaha dagaalka ee Sacuud carabiya ay ku qaadeen gobolka Maqrib ee bartamaha dalka Yemen.

Weeraradan ayaa jawaab u ah markii dagaalyahaniinta Xuutiyiinta ay gantaalo aargoosi ah ku garaaceen laba saldhig oo mileteri oo ku yaala   Sacuudi Carabiya