Nin ay Xagga Hooyo Walaalo Ka Ahaayeen Madaxweyne Xasan Sheekh Oo Geeriyooday
Nairobi:Aug,25,2015(SDN/QJ)-Marxuum Cismaan Cilmi Caddaawe oo ay xagga Hooyo walaalo ka ahaayeen Madaxweyne Xasan Sheekh, ayaa xalay ku geeriyooday magaalada Nairobi ee Dalka Kenya.
Marxuumka, ayaa muddo dheer ku xanuunsanaayay Magaalada Nairobi, iyadoo ugu dambeyna uu Axadii ugu geeriyooday xanuuno kala duwan oo isbiirsaday.
Cismaan Cilmi Cadaawe oo ugu weynaa qoyska Madaxweynaha, ayaa waxa uu saamayn weyn uu ku leeyahay nolosha Madaxweynaha, isagoona soo gacan qabtay, kaalina ka gaystay waxbarashadiisii.
Cismaan waxa uu toboneeyo sano uu ku noollaa Magaalada Nairobi, waxayna u ahayd deegaan, sidoo kalana waxa uu ku haystay ganacsi.
Xildhibaano iyo Siyaasiyiin, ayaa u amba baxay Magaalada Nairobi, si ay kaga qayb qaataan qaban qaabada aaskiisa. Marxuumka ayaa Isniintii maanta waxaa lagu aasayaa Magaaladaasi.
Madaxtooyada waxaa laga dareemay geerida ku timid Madaxweynaha walaalkii, waxayna inta badan Xafiisyadu ahaayen kuwo aynaan wax shaqo ihi ka jirin.
Masuuliyiinta Dowladda, ayaa siyaabooyin kala duwan tacsi ugu diray Madaxweynaha iyo walaalihii, oo lagu kala magacaabo Nuur Cilmi Cadaawe, Cali Sheekh Maxamuud, Xuseen Sheekh Maxamuud iyo Nuurto Sheekh Maxamuud.
SDN/QJ
Contact@somalidiasporanews.com