Magaca Nin Soomaaliyeed Oo Iska Soo Tuuray Dabaq Dheer Oo Ku Yaalla Dalka Malaysia

Kuala Lumpur:Au,21,2015(SDN/QJ)-Dabaq dheer oo ku yaalla Dalka Malaysia, ayaa waxa waxa iska soo tuuray Nin Soomaali ah oo arrimo caafimaadeed  halkaas loogu qaaday, kaas oo markii dambe geeriyooday.

Geerida ninkan, ayaa ka dambeysay markii uu iska soo tuuray dabaqa 7-aad ee Dhismaha Villa Putra Condo. Waxaana meydkiisii arkay nin ka tirsan Ilaalada Villa Putra Condo.

Caawiyaha Madaxa Booliska Ee Degmada Dang Wangi, Zainol Sama, ayaa sheegay ninkaasi inuu ka tagey qaadashada daawooyinkii loo qoray, sida laga soo xigtay Maamulka Isbitaalka Kuala Lumpur. “Daba yaaqada sanadkii hore ayaa ninkan arrimo caafimaadeed loogu keenay Isbitaalka Kuala Lumpur. Wuxuuna joojiyay qaadashada daawooyinka, markii uu ka cararay daawooyinkii loo qoray.” Ayuu yidhi Zainol Sama.

“Sida ku cad qoraalka ninku wuxuu ahaa dhibane qabay sixirka madow, sidaana waxaa xaqiijiyay Maamulka Isbitaalka Kuala Lumpur.” Ayuu sii raaciyay Zainol Sama.

Caawiyaha oo maalintii shalay Warbaahinta kula hadlay Magaalada Kuala Lumpur, ayaa xaqiijiyay illaa iyo hadda inaay jirin waxyaabo ka baxsan in ninkaasi uu isagu is dilay. Dhacdadan waxay dhacday gelinkii dambe ee Arbacadii.

Marxuumka oo magaciisa lagu sheegay Maxamed Raabi, 44 sano jirna ahaa, ayaa meydkiisa waxaa la geeyay Isbitaalka Kuala Lumpur, si baadhis dheeraad ihi loogu sameeyo.

SDN/QJ

timo@qurbejoog.com

Contact@somalidisporanews.com