Faah-faahino Dheeraad Ah Oo Kasoo Baxaya Qaraxii Ka Dhacay Magaalada Muqdisho + Daawo Sawiro

Muqdisho,26july,2015(QJ/SDN)-Sidii aanu horayba idiinku sheegnay, qarax xooggan ayaa lala beegsaday  Huteelka Jasiira ee magaalada muqdisho, oo ku yaala waddada tagta garoonka diyaaraddaha magaalada muqdisho, wararka hordhaca ah ee aanu helayno ayaa waxa ay sheegayaan in ugu yaraan 10ruux ay halkaasi ku dhimatay halka toboneeyo kalana ay ku dhaawacmeen, ma cadda lamana garan karo cidda ku dhimatay cidda ay tahay. Dhismaha hotel jasiira ayaa guud ahaanba burburay, dhaawaca iyo dhimashada ayaa laga soo gurayaa burburka dhismaha waxaana socoto daad guraynta dhaawaca ee gaadiidka bukaan la roorka,

Weerarkan lala beegsaday hotel jasiira ayaa ah kii ugu xoogganaa ee muqdisho ka dhaca dhawaanahan, hotel jasiira ayaa waxa horray uga dhacay weeraro kale oo kan ka horreeyay, waxaana xusid mudan in hotel jasiira uu yahay hotel ay degan yihiin qaar ka mid ah safaaradaha dalalka caalamka ee magaalada muqdisho, sidoo kale waxa  hotelkani uu hoy u yahay xubno ka tirsan dowladda soomaaliya. Waxaana la odhan karaa waa sababta uu bar-tilmaameedka u noqday.

 

Wixii warar ah ee kasoo kordha isha ku hay QJ/SDN