Waaxda Warfaafinta ee Xisbiga Waddani Oo Xilal Cusub Magcawday

Hargeysa,16july,2015(QJ/SDN)-Waaxda Warfaafinta Ee Xisbiga Waddani ayaa magcawday xilal cusub Sidaasna waxa lagu sheegay qoraal kasoo baxay Xafiiska waaxda Warfaafinta Waddani Uuna Kusaxeexan yahay Xoghayaha Warfaafinta ee Xisbiga Waddani Cabdiraxmaan Yuusuf Ducaale (Boobe) ,oo soo gaadhey shebekeddan Oodweynenews Waxana qoraalkaasi u dhigan yahay sidan hoos ku cad:-

Waaxda Warfaafinta ee Xisbiga Waddani

Hargeysa, 16/7/2015ka,

Ujeeddo: Magacaabid
Annaga oo ka dhaqaaqayna baahida loo qabo in Warsidaha Wadaag ee Xisbiga Waddani la gaadhsiiyo loona qaybiyo Laamaha Xisbiga ee Qaaradda Yurub,
Annaga oo la tashannay mas’uuliyiinta Xisbiga Waddani ee heer Qaran iyo heer qaaradeedba,
Annaga oo ka dhaqaaqayna waayo-aragnimadii aanu ka hellay daabacaaddii, qaybintii iyo iib-geyntii tirsigii ugu horreeyay ee Warsidahan Wadaag,
Annaga oo dardar-gelinayna hawlaha qaybinta iyo suuq-geynta Warsidaha Wadaag,
Waxaanu halkan ku magacaabaynaa:
1. Axmed Carab Yuusuf: Agaasimaha Wararka ee Warsidaha Wadaag ee Qaaradda Yurub,

2. Cabdiraxmaan Ibraahin Axmed: Agaasimaha suuq-geynta Wadaag ee Qaaradda Yurub,
Waxaanu magan uga nahay dhammaan hay’adaha iyo laamaha Xisbiga ee gude iyo dibadba in ay mas;uuliintaa ku garab galaan hawlaha Xisbi ee aanu u magacawnay.