Ceerigaabo Dilalka Taliyeyaasha Ciidamada iyo Soo Qabasho la’aanta Gacan ku dhiiglayaasha
Ceerigaabo 05.July 2015 (SDN/QJ)- Taliyaha Saldhigga Boliiska Degmada Fiqifuliye Ee Koonfur-Sanaag ayaa shalay gelinkii danbe gudaha magaalada Ceerigaabo waxa dhaawac fudud gaadhsiiyey askari katirsan isla ciidanka boliiska.
Arrintan ayaa ka dhalatay kaddib markii Askarigan iyo Taliyaha dhaawacmay oo wada joogey xilligaas ay is afdhaafeen kaddibna askarigu wuxu addinka kubkiisa xabbad kaga dhuftay taliyahaas haseyeeshee aanay wax jabniin ah gaadhin taliyaha.
Dhinaca kalena qabashada askariga ayaa boliisku ku hawllan yihiin halka soo qabashadiisa halka Taliyihiina laga daawaynayo dhaawacaas fudud.
Waxana xusid mudan in askaiga dhaawaca geystey iyo taliyahan dhaawacmay yihiin Ilma’ adeer labadooda aabbe walaalo yihiin.
Dilalka Madaxda Ciidamada Gobolka Sanaag ayaa Mudooyinkii u danbeeyay kor u soo kacayay iyadoo Taliyahan la dhaawacay uu ka horeeyay Taliyihii Ciidanka Koofiyad Casta oo u Geeriyooday rasaas uu la beegsaday Mid ka mid ah Askarta uu xukumo hasa yeeshee waxaa nasiib daro noqotay inaan la qaban Gacan ku dhiiglayaasha falalka dilka ah gaysta oo inta badan baxsada,Waana arimaha sababta u noqday soo noqnoqoshada dhacdadan iyo Aano marka danbe ka dhalata.
Ceerigaabo SDN/QJ