”Waan duqoobay dalkaygii baan rabaa, meelaan ku nastaa rabaa” Khadiija Cabdilaahi Daleys DAAWO
Ottowa 04.July 2015 (SDN/QJ)- Khadiija Cabdilaahi Daleys oo ka mid ah Fanaaniintii hore ee Soomaaliya kuna nool wadanka Canada ayaa u Hilowday nabaddii iyo kala danbayntii dalka ka jirtay,iyadoo muuqaal kooban oo farriin ah shacabka Soomaaliyeed usoo marsiiyay Telefeshinka Afka Ingiriiska ku hadla ee INTEGRATIONTV, waxay sheegtay inay u baahan tahay dalkeedii hooyo, inay u baahan tahay meel ay ku nasato, waxayna si gaar ah mahad ugu celisay ciidanka Soomaaliya oo habeen iyo maalin u taagan ilaalinta nabadgalyada dalka iyo la-dagalanka kooxaha cadowga ah.
Wixii ka danbeeyay burburkii dalka ka dhacay Fanaaniin badan oo magac umadda Soomaaliyeed ku dhex lahaa ayaa u cararay qurbaha kuwaasoo mudo sodan sano ka badan ku maqan, balse waxaa jira qaar ka mid ah oo dalka dib ugu soo laabtay, hase yeeshee aanan usoo wareegin.
Ottowa SDN/QJ