Musharaxa Madaxweyne ee Xisbiga Ucid aqoon-yahan Jamal Ali Xuseen oo ku soo beegmay Shirkii sanadlaha ahaa ee beeshiisa oo ka dhacay london + Sawiro

London June 10,2015(SDN/QJ)-Murasharaxa Madaxweyne ee Xisbiga UCID Aqoonyahan Jamaal Cali Xuseen oo ku soo beegmay  shirkii sanadlaha ahaa ee Beesha Ciise Muse  oo ka dhacay Galbeedka Caasimada London 7/5/2015 . Musharax Jamaal wuxuu beeshiisa u cadeeyay in dhinaca reerka uu la mowqif iyo siyaasadba yahay Marxuum Mohamed Xaji ibrahim Cigaal Madaxweynihii hore ee Somaliland salka u dhigay. Jamaal wuxu shirka ka yidhi, “Ciise Muusow Xaqdaro iyo Xoolo dadweyne idin siinmaayo, xaq aad leedihiina idin duudsiyi maayo. idinkuna Qabyaalad iyo Beelnimo haygu taageerinina, ee waxaa igu taageertaan tariikh nololeedkayga, kartidayda  iyo waayo aragnimadeyda aan caalamka la soo shaqeeyey  ka dhaxlay, waxaad u fiirsataan oo eegtaan  CV-gayga, waxaana aad ku dhererisaan kuna qotomisaan taariikh nololeedkayga aan godobta iyo gocashada  lahayn, waxaana igu taageertaan oo igu garab-gashaan dhu-dhunka iyo dhumucda aan dheeraado markaad isku dhererisaan ee aad i bar-bar dhigtaan musharaxiinta kale ee aanu wada tar-tameyno  inshaa-Allah ”