Xildhibaan Indho-indho oo Gudoomiye Saleebaan Gaal u Magacaabay Xil ku Cusub Golaha Guurtida
Hargaysa 08.June 2015 (SDN/QJ)- Guddoomiyaha Golaha Guurtida somaliland Md. Saleebaan Maxamuud Aadan (Saleebaan Nuur), ayaa u magacaabay Golaha inuu ahaado Xildhibaan Cabdi Qaadir Maxamed Xasan (Indho-indho) oo ah Xildhibaanka Ka tirsan Golaha Guurtida.
War-saxaafadeed ka soo baxay aqalka Odayaashe ee Golaha Guurtida Somaliland ayaa lagu sheegay in wixii maanta ka bilaama afhayeenka Golaha guurtida uu yahay Xildhibaan Indho-indho, waxaanuu u dhignaa qoraalkaas oo kooban sidan:-“Ku:- Dhamaan Mudanayaasha Golaha Guurtida Jamuuriyada Somaliland
ku:- Dhamaan Saxaafadda Somaliland
Ku:-Magacaabis Waxaan La socod Siinaynaa Dhamaan Mudanayaasha Golaha Guurtida Jamuuriyadda somaliland,Saxaafada iyo Cidkasta oo ay khusayso,in laga bilaabo maanta oo bishu tahay 07/6/2015 loo Magacaabay Afhayeenka Golaha Xildhibaan Cabdi Qaadir Maxamed Xassan indho-indho oo ah Guddoomiyaha Guddida
Arrimaha Bulshada ee Golaha Guurtida Somaliland
Allaa Mahad Leh.
Guddoomiyaha Golaha Guurtida Somaliland Saleebaan Maxamuud Aadan.
Hargaysa SDN/QJ