Jilayaasha Sooraan Iyo Jawaan Oo Markii U Horeysay Ka Jawaabay Riwaayad Ay Dhigeen Oo Warbaahintu Ku Qoonsatay Iyo Xaal Ay Bixiyeen

Hargaysa 07.June 2015 (SDN/QJ)-Labadda Majaajiliistayaal ee Caanka ah ee Sooraan iyo Kabtan Jawaan, ayaa markii u horeysay ka hadlay eedeymo warbaahintu ugu eedisay Riwaayad ay dhawaan ku soo bandhigeen magaaladda Berbera, Rawaayadaasi oo ay dhibaatooyin bulshaddu Saxaafadda kala kulanto warbaahinta maxaliga ah kaga hadlaayeen.

Majaajiliistaha Jawaan, ayaa isaga oo magaalo Madaxda Gobolka Togdheer ee Burco ku sugan, ayuu Wargeyska Saxansaxo khadka Taleefonka kula xidhiidhay waxaanu waxka weydiiyey eedeymaha warbaahintu u jeediyeen isaga iyo Saaxiibkii Sooraan oo lagu lagu dhaliilay inay caadeysteen arimo meel ka dhac ah warbaahinta gaar ahaan Riwaayadii ay dhawaan ku dhigeen magaaladda Berbera ee Xafladdii Xadhig ka jarista Qalabkii Tayo baadhista Shidaalka ee Maamulka Haamaha Shidaalku qabsaday, waxaanu Kabtan Jawaan ka raaligeliyey Riwaayadaasi warbaahintu dhibsatay isaga oo balanqaaday arintaasi xaalka bixiyey cadeeyeyna in aanay ujeedada Riwaayadoodu aheyn inay wax u dhimaan Saxaafadda balse si kale loo turjumay hadafkii ay ka la haayeen Riwaayadaasi.

Warysiga Wargeyska Saxansaxo la yeeshay Kabtan Jawaan oo ka mid ah Labadda Jilaa ee caanka Somaliada ka dhex ah ee Sooraan iyo Jawaan waxa uu wareysigu u dhacay sidan.

Kabtan Jawaan waxa jira Eedeymo laydiinku jeediyey adiga iyo saaxiibka Sooraan Riwaayadiii aad ku soo bandhigteen Magaaladda Berbera taasi oo Warbaahinta ka cadheysiisay sided arinta u aragtaa ?

Ja. ‘Walaale arinta waxaan kaga jawaabaynaa anagu maadama oo aanu Saxaafaddii ka mid nahay oo ka mid nahay kuwa dadka wax u sheega, hadii hadalkii aanu nidhi uu warbaahintii meel kaga dhacay ama ay ka cadhoodeen aad iyo aad ayaanu uga raaligelinaynaa oo Xaal ayaanu siinaynaa”

Su’ Xidhiidhkiina Warbaahintu hore wuu u wanaagsanaa oo iyaga ayaa qeyb ka ahaa in aad Caan noqotaan adiga iyo Sooraan marka imika xaalka idinka iyo warbaahintu sidii noqon doonaa ?

Ja “Marka waxaan jeclahay in aanu Ishaalaha anaga iyo Warbaahinta waxba naga xumaaneyn waxana jira dad had iyo jeeraale dadka kala dhexgala balse wax kasta oo dhaca waa laga heshiiyaa , anaguna cid kasta oo arintayada qalad u qaadatay Sxb aad iyo aad ayaan uga raaligelinayaa”

Su. Waxa laydinku eedeeyey inay Sooraan iyo Jawaab lacag ku qaataan si ay dadka u caayaan arinta maxa ka jara Kabtan Jawaan ?

Ja. “Walaahi walaaloow anigu Sooraan waxaanu nahay intaasi aad na aragtaanba labada nin ee aan wali dawladda Mushahaarba ka qaadan oo dawladda kuma tiirsanin ee waxaanu u shaqeyn jiray Tefeeshin madaxbanaan (HC-TV) kaasi ayaanu waxka qaad qaadan jiray ee waligayo Mushahar dawladeed maanaan qaadan oo mana naqaano ee Walaahi anaga Burco ayaanu iska joognaa, dadka badankoodu waxa laga yaaba inay sidaasi u fikirayaan laakiin waxa anagu waxaanu nahay lababa nin oo dawladda iyo shacabka iyagu dhanka Shacabka u badan, dadkuna waa bani’aadan oo hadii qof wax si u arko mid kalena si kale ayuu wax u arkayaa qaladkuna waa iska dhacaaye hadii anagu sidii aanu u jeednay si ka duwan hadii ay warbaahintu u qaadatay waanu ka raaligelinaynaa arintaasi”

Su. Arintani waxay ku soo beegmeysaa idinka oo hore Riwaayad warbaahinta ku saabsan oo aad ku dhaliilaysaan ka sameeyey marka ma balanqaadeysaan inaydaan wax dambe oo Saxaafadda ka dhan ah sameyn doonin ?

“Sxb horta dee qof wax hore kaatabanaaya wax kale ugu darimeysid marka aniga iyo Sooraan warbaahinta ayaanu ka mid nahay sidii aan hore kugu sheegay kolka Xaalna waa siinayna arinta ay ka cadhoodeen anaguna mabanin dad hawlo warbaahinta ka dhan ah ku deg dega xata waligayo wabaahin uma jawaabin oo waa markii ugu horeysay ee aan warbaahin anaga wax na dhex maraan marka 100% Obolojaas ayaanu siinayna oo waxaasi la dhibsaday sida loo qaatay ma aheyne waanu ka raaligelinaynaa saaxibadayada warbaahinta ee aanu ka midka nahay”

 

Xigasho Wargayska Saxan Saxo