Al-shabaab Oo Markale La Wareegtay Tuulaayoon ku Yaalla Dhulweynaha Kenya
Mandhera:June,02,2015(SDN/QJ)-Dablay hubaysan oo Al-shabab katirsan, ayaa qabsaday Tuulooyin ku yaalla Deegaanka Mandhera, una khudbadeeyey shacabkii halkaas deggenaa.
Sida wararku sheegayaan kooxahan oo inta badan xilliyadii habeenkii goobahaas soo gelaya, isla-markaana si weyn u hubaysan, ayaa shacabka wax dhibaato ah gaadhsiinin, waxana ay Khudbado ay masaajidada ka akhriyayaan ku sheegeen in Dawladda waddanka haysata oo gaalo ah ay waajib tahay in lala dagaallamaa.
Kooxdan oo aan tiradooda si rasmi ah loo shaacin, ayaa kasoo tallaabay Xuduudda Somalia, waxana ay xilliyadda ammaanku dagan yahay ay Gudaha usoo gelayaan tuulooyinka Halkaas ku teedsan.
Xukuumadda Kenya, ayaa laga sugayaa inay goobahaas tagto oo ay baadhitaanno rasmi ah ku samayso Dhibaatada kusoo korodhay dadka halkaas deggen.
Inta badan Iskuullada, ayaa Al-baabada loo laabay, kadib markii ay diideen macallimiintii halkaas iman jirey, iyadoo Al-shabaabku hore u laayeen Macallimiin iyo Arday Badan oo Goobo halkaas ku yaalla ay ka heleen.
SDN/QJ
Contact@somalidiasporanews.com