Diyaaradaha Dagaalka Mareykanka oo duqeymo ku dilay Hogaamiyihii Alqaacidada Yemen
Sanca:April,15,2015(SDN/QJ)-Diyaaradaha Maraykanka, ayaa duqayn ku dilay Sarkaal sare oo kamid ahaa Al-qaacidada Yemen sida ay shaaciyeen Warbaahinta caalamka qaarkood.
Ninka la dilay ayaa magaciisa lagu sheegay Ibraahim AlRubaish, waxana uu ahaa hoggaamiyaha Kooxda Al-qaacida u qaabilsanaa Dalka Yemen.
Qoraal ka soo baxay Alqaacidada Yemen ayaa dilkan lagu wariyay sida ay sheegtay Alcarabiya.
Hogaamiyahan la dilay ayaa la sheegay in xabsiga Guantanamo laga sii daayay sanadkii 2006 kadibna uu ku biiray Alqaacidada Yemen,waxaana uu ahaa sida la sheegay maskaxda kooxda Alqaacidada Yemen.
Sirdoonka Mareykanka ayaa aad u doon-doonaayay Wadaadkani Hogaamiyaha u ahaa Alqaacidada Yeman, waxaana dilkiisa si wada jir ah u xaqiijiyay Mareykanka iyo Alqaacidada Yemen.
Ma aha markii ugu horeysay oo la duqeeyo Alqaacidada Yemen, waxaana sidoo kale duqeymo kan lamid ah hore loogu dilay Saraakiil badan oo kaalin mug iyo miisaanba u lahaa Alqacidada Caalamka.
SDN/QJ