Akhri Magacyada Lix Gacan-ku-dhiigle Oo Maanta Xukuumadda Somaliland Qisaas Ku Fulisay
Hargeysa:April,13,2015(SDN/QJ)-Xukuumadda Somaliland, ayaa Maanta Qisaas ku fulisay Lix Gacan-ku-dhiigle oo hore maxkamadi ugu xukuntay Dilal, kadib markii lagu helay Inay Dileen Shakhsiyaad.
Qisaastan Lixdan Qof, ayaa saaka aroortii hore ka dhacday Deegaanka Mandhera ee Gobolka Saaxil, waxana Arrintaas Warbaahinta uga Warramay Afhayeen u hadlay Wasaaradda Caddaaladda oo iyadu masuul ka ahayd Qisaasta Dadkaas.
Afhayeenka Wasaaradda Caddaaladda ee Qisaastan ka Hadlay oo Magaciisu yahay Cabdi cabdilaahi, ayaa xaqiijiyey in qisaastaan saaka la fuliyey, waxana uu Halkaas ka akhriyey Magacyada Lixdaas nin ee saaka la qisaasay iyo Waliba Magacyada marxuumiintii hore gacamahooda ugu baxay.
Magacyda lixda Qof ee Saaka la qisaasay ayaa kala ahaa sidan soo socota:
1.Maxamed daa’uud axmed 25-jir
2.Cabdi weli cilmi muuse 25-jir boorama nin ku dilay
3.Ilyaas cabdilaahi aadan oo Harageysa ku dilay adan cabdi mursan iyo muna axmed maxamed
4.Maxamed Axmed xirsi oo burco xaaskiisa ku dilay
5.Ex Dable maxamed cabdilaahi Cabdi Guleed oo dilay Marxuum gacma dheere
6.Cabdirashid xasan cumar Hargeysa ku dilay Cabdifatax maxamed sodani.
Waa Markii ugu horaysay ee Xukuumadda Somaliland in muddo ah ay fuliso Xukunno dil qisaas ah, waxana arrintaasi la rajaynaynayaa inay hoos u dhigto dilalka oo dalka kusii badanay.
SDN/QJ