Somaliland oo Maanta Fulisay Lix Dil oo Qisaas ah Iyo Mid Badbaaday isagoo Tiirka Toogashada ku Xidhan DAAWO

Hargaysa 13.April 2015 (SDN/QJ)- Xukuumadda Somaliland ayaa saaka dil toogasho ah ku fulisay Lix Maxbuus kuwaas ooh ore u dilay dad kala duwan.

Ciidamadda kala duwan ee qaranka ayaa saaka dilalkan qisaasta ah ku fuliyey gacan ku dhiiglayaal kala duwan, waxaana dilka toogashada ah ee lagu fuliyey maxaabiistaasi uu ka dhacay degmadda Mandheera.

Xukuumadda ayaa beryahanba kala shaandhaynaysay maxaabiista u baahan in lagu fuliyo toogashada, waxaanay dadka la dilay ay ka soo kala jeedaan Goboladda Dalka oo dhan.

Waxa ka mid ah dadka Dilka lagu fuliyey Nin xaaskiisa ku dilay Burco, Nin Gabilay ku Dilay dhawr Qof, Nin Borama ku dilay Ilma yar iyo sidoo kale, Askarigii dhawaan Dilay Ganacsadihii Xoolaha ee la odhan jiray gacmo-dheere.

Raggan Dilalka lagu fuliyey ayay qaarkood xidhnaayeen ku dhawaad toban sanadood, iyagoo ahaa Dil suge ahWaana Markii 1aad ee Mudo Sannado ah kadib in la fuliyo falalka qisaasta ah.

Arrinta Indhaha dadka soo Jiidatay ayaa ahayd kadib markii Gacan ku dhiigle ku hore dil uga gaystay Deegaanka Gobolka Gebilay oo ku Xidhnaa Tiirka Toogashada ay qadiyadiisa ka heshiiyeen labadii reer ee utuntu u dhaxaysay isla markaana reerkii Marxuunka laga dilay ay saamaxeen .