Madaxweyne Axmed Siilaanyo oo u quusgooyay hankii Musharaxnimo ee Muuse Biixi
Hargeysa Mar 23,2015(SDN/QJ)-Guddoomiyaha Xisbiga Kulmiye Md Muuse Biixi Cabdi ayaa dhawaan waxa uu madaxweynaha Somaliland Md Axmed Maxamed Siilaanyo la hortgay qorshe uu ku xasilinayo hankiisa siyaasadeed ee uu mudada ku hamiyay.
Md Muuse Biixi ayaa la sheegay in dhawaan uu ku guuleysay in uu marwada madaxweynaha ku qanciyo qorshe Kulmiye u suurtogelinaya mudo kordhis loo sameeyo Madaxweynaha isla markaana u sahli doona Muuse Biixi in uu xasiliyo musharaxnimadiisa.
Guddoomiyaha Kulmiye ayaa ku qanciyay Marwada Madaxweynaha in uu siyaasiyan ka hawgeli doono sidii loo marin lahaa laba sanadood oo xukuumada loo kordhiyo.
Sidoo kale Guddoomiyaha ayaa marwada madaxweynaha u sheegay in taa bedelkeeda uu doonayo in aan musharaxnimaadiisa tartan la gelin.
Marwo Aamino weris ayaa la sheegay in ay qorshahaa ku qanacday isla markaana ay Muuse Biixi ku dhiiri gelisay in uu Madaxweynaha u bandhigo qorshihiisan.
Madaxweyne Axmed Siilaanyo ayaa kolkii uu dhegeysatay qorshaha Guddoomiyaha Kulmiye waxa uu bixiyay jawaab murugo ku abuurtay Muuse Biixi.
Madaxweynaha Somaliland ayaa Guddoomiyaha Kulmiye weydiiyay caawimaada uu uga baahan yahay si mudo kordhis loo xasiliyo.
Sidoo kale Madaxweyne Siilaanyo ayaa Guddoomiye Muuse Biixi u sheegay in uu mudadana kororsan dooo isla markaana uu yahay musharax madaxweyne.
“Ha moodin in Cabdicasiis Samaale xil ka wareejintiisii ay aheyd mid adiga laguugu nasteexanayay” ayuu ku yiri madaxweynuhu Guddoomiyaha Kulmiye.
Ilo wareedyo ku sugan Madaxtooyada Somaliland ayaa qurbejoog.com u xaqiijiyay in Guddoomiyaha Kulmiye uu ka huleelay madaxtooyada kiyoo ay wejigiisa ka muuqato quus siyaasadeed.
Madaxweynaha Somaliland oo mujtamica intooda badani ay iska dhaadhiciyeen in aanu dalka ka arimin ayaa waxa ay dhacdadani muujineysaa in Madaxweynuhu sax iyo khalad yahay ruuxa talada ku keli ah.
Waxaan cadeyn sida uu Muuse Biixi uga falcelin karayo haatan goaanka madaxweynaha Somaliland Md Axmed Siilaanyo.
SDN/QJ-Hargeysa
qurbejoog.com