Tirada Dad Reer Kenya Ee Gacanta Shabaabka Ku Jira Oo La Shaaciyey
Nairobi:Mar,22,2015(SDN/QJ)-Dagaalka iyo Cadaawadda dhextaalla ee waddanka Kenya laga leeyahay warbixin uu sii daayey lagu sheegay in muwaadiniin Kenyaan ah oo tiradooda lagu sheegay 8 qof ay kujiraan gacanta Alshabaab.
Laba ka mid ah dadka kujira gacanta Alshabaab ayaa la sheegay in la afduubay iyagoo ku sii jeeda garoonka diyaaradaha ee magaalada Gaalkacyo.
Hooyadii dhashay muwadiniinkii ugu dambeeyay ee la afduubtay ayaa sheegtay in markii ugu dambaysay uu la soo hadlay una sheegay inuu taksi saaran yahay kuna sii jeedo garoonka diyaaradaha ee Gaalkacyo si uu ugu soo laabto dalka Kenya.Hooyadu waxay sheegtay in taksiilihii intii uu gayn lahaa garoonka uu ku wareejiyay Alshabaab.
Waxay intaas ku dartay in loo sheegay in wiilkeeda loo haysto madaxfurasho dhan hal milyan oo doolar oo hadii ay bixiso loo sii dayn doono.
Hadii warbixinta hooyadani dhiibtay dhab tahay waxaa meesha ka cad in qaar kamid ah taksiilaydu la shaqayso Alshabaab ama dadka kale ee wax afduubta.
SDN/QJ