Laba Kamid ah Diyaaradaha Dagaalka Turkiga Oo Soo Dhacay Iyo Afar Duuliye Oo Ku Dhintay
Ankara:Feb,26,2015(SDN/QJ)-Laba kamid ah Diyaaradaha Dagaalka Waddanka Turkiga, ayaa soo dhacay kadib markii ay galeen khaladaad xagga duulimaadyada ah xilli ay tababar ku jireen sida ay saraakiisha waddankaasi xaqiijiyeen.
Diyaaradahan dagaalka ayaa la sheegay inay ka duuleen airportka militariga Turkiga ee magaalada Malatya, waxaana la sheegay inay kusoo dhaceen meel 150km u jirta xaduuda Turkiga iyo Siiriya.
Dowlada Turkiga ayaa sheegtay inay baadhitaan ku waddo waxa soo riday labada diyaaradood, shilkasi oo ay ku dhinteen 4 duuliye ee saarnaa diyaaradahaasi.
Balse Wasiirka Arrimaha gudaha ee dalka Turkiga Efkan Alan ayaa meesha ka saaray in diyaaradahan lasoo riday, isagoo sheegay inay u maleynayaan in shilkan uu salka ku hayo dhibaato ka timid dhanka cimilada deegaankaasi oo uu xiliga shilka dhacay ka jirtay ceeriyaamo.
SDN/QJ
Contact@somalidiasporanews.com