Baadhitaanno Booliska Canada Ku Hayaan God Laga Helay Dhulka Hoostiisa Oo Argagax Abuuray
Otowa:Feb,26,2015(SDN/QJ)-Ciidamada Booliska Waddanka Canada, ayaa baadhitaanno dheeri ah ku wada God qarsoodi ah oo laga helay Dhulka Hoostiisa.
Wararku waxa ay intaas ku darayaan in Godkaasi laga qoday meel aan sidaas uga fogayn Xarun ama garoon lagu qaban doono ciyaaraha xagaagga soo socda.
Godkan oo la sheegay in hab casri ah loo qoday ayaa laga helay meel aan ka fogeyn xarunta Rexall Center goobtaasi oo xagaaga soo socda lagu qaban doono ciyaaraha caalamiga ah ee Tenniska.
Illaa iyo hada lama yaqaan cida qoday godkaasi habka casriga ah loo diyaariyey, waxaana jirta cabsi laga qabo in lala damacsanaa in lagu fuliyo weeraro argagaxiso ah sida ay sheegtay saxaafada dalka Canada.
SDN/QJ
Contact@somalidiasporanews.com