Da’du Ceeb maaha inaan shaqaynaayo oo fikiri karaayo way iga muuqata” Waraysi Madaxweyne Siilaanyo DAAWO

Hargaysa 26.Jan 2015 (SDN/QJ)-Madaxweynaha JSL Md Axmed Maxamed Maxamuud Siilaanyo ayaa  wareysi uu  Siiyay Warbaahinta Xukuumadu maamusho Gaar ahaan Telefishanka Qaranka waxa uu kaga hadlay arimo ay ka mid yihiin natiijada socdaalkiisii Gobolada iyo Degmooyinka Dalka, Doorashooyinka iyo qabsoomidooda xiligii loo qoondeeyey  .

Madaxweynaha Jamhuuriyada Somaliland Waxa uu ugu horayn ka jawaabay Nuxurka Socdaalkii Weftigii uu hogaaminayay ku soo mareen Gobolada iyo Degmooyinka dalka.

 

Madaxweynaha J.S.land mar la waydiiyay dooda Mucaaridku ku durayaan Safarkan uu Gobolada iyo degmooyinka dalka ku soo maray oo ay ku sifeeyeen mid xarago ,Mudane Axmed Maxamed Maxamud Siilaanyo oo Jawaabayay Qabsoomida doorashooyinka sannadkan badhtankiisa ku mudaysan ayaa Cadeeyay in Xukuumadiisa ay ka go’an tahay in doorashooyinku xiligoodii ku qabsoomaan isla markaana ay dawlad ahaan diyaariyeen Wixii kaga beegnaa.