Al-shabaab Oo Laga Dilay Sarkaal Sare Oo Qaabilsanaa Degmada Kurtiwaarey
Kurtiwaarrey:Jan,02,2015(SDN/QJ)-Xooggaga Ururka Al-shabaab, ayaa la sheegayaa inay markale waayeen Taliye sare oo u qaabilsanaa Deegaanka Kurti waarey ee Gobolka Shabeelladda Hoose, kadib markii uu ku dhintay dagaal ay la galeen ciidanka Dawladda.
Wararka aanu Hayno, ayaa sheegaya in ninka la dilay magaciisa la odhan jirey Ibraahim Fiiley, isla-markaana uu ahaa Taliska Al-shabaab u qaabilsan Deegaanka Kuriwaarrey.
G/dhexe Xasan Maxamed Abuukar oo ah taliyaha guutada 3-aad ee ciidamada xoogga dalka ayaa u xaqiijiyay saxaafada dhimashada taliyahan ka tirsanaa ciidamada Alshabaab.
Sidoo kale G/dhexe Xasan Maxamed ayaa sheegay in howlgal ay ka fuliyeen deegaano ka tirsan Kuntuwaarey ay ku dileen Ibraahin Fiiley iyo saddex ka mid ah ciidamadiisa.
Illaa hadda wax war ah kama soo bixin ururka Alshabaab ee ku saabsan dhimashada hogaamiyahoodii degmada Kuntuwaarey.
SDN/QJ
Contact@somalidiasporanews.com