Soo dhaweyntii aqoonyahan / musharax Jamal Ali Xusen ee Birmigham UK oo horseeday in Xisbiga UCID ay ku soo biiraan Xubinihii ugu cad-cad Xisbiga Kulmiye ee Middlands UK + sawiro

Birmingham Dec 11,2014(SDN/QJ) Masuuliyiin ay ka mid yihiin Gudoomiyayaasha Xisbiga UCID ee dalka UK, Gaar ahaan Magaalada Birmigham ,Gudoomiyaha Garabka Haweenka, madaxda sare-sare ee Laamaha xisbiga UCID ee UK, Taageerayaasha Xisbiga UCID ee Birmigham iyo qaar isaga kala yimi magaalooyinka waaweyn ee UK, ayaa Murashax – Jamaal Cali Xuseen kala qayb galay shir balaadhan oo soo dhaweyn ah oo ay Soo abaabushay Laanta Xisbiga Ucid ee magaalada Birmigham.

Murashax- Jamaal Cali Xuseen oo ah Musharaxa madaxweyne ee Xisbiga UCID ayaa dhamaan madaxdii Laamaha xisbiga UCID iyo taageerayaashii madashaa ku soo dhawaysay uga mahad-celiyey soo-dhawaynta quruxda badan ee ay ku qaabileen, waxaanu mahad-naq ka dib, xog-warran kooban ka siiyey safarkii uu kaga soo laabtay dalka Maraykanka oo uu ku sifeeyey guul xisbiga u soo hoyatay isla markaana uu kulamo kala duwan la qaatay taageerayaasha Xisbiga ee Woqooyiga Ameerica oo uu xusay inay isla af-garteen sidii loo xoojin lahaa taageerada Xisbiga, waxaanu carrabka ku adkeeyey qodobo muhiim u ah dhismaha dalka iyo xasaasiyada xilliga kala-guurka siyaasadeed ee la gelayo iyo hawlaha Doorashooyinka isbarkan ee dalka ku soo fool-leh in si wada-jir ah Mucaarid iyo Muxaafid looga wada hawlgalo oo loga gaashaanto.

Waxaa Madashaa quruxda badan kaga dhawaaqay in ay Xisbiga Cadaalada iyo Daryeelka ee UCID ay ku soo biireen Masuuliyiin badan oo hore uga mid ahaa Xibsiga Talada Haya ee Kulmiye oo iyagu goobtaa kaga dhawaajiyey in ay laga bilaabo 10/12/14 ay ka mid noqon doonaan Xubno idman oo ka tirsan Xisbiga Cadaalada iyo Daryeelka ee UCID.

Waa Billahi Towfiiq,

Tebiye: A/rahman fidhinle

 

Qoraa Madaxbanaan

West london, England