“Puntland waa ay soo dhawaynaysaa waxaanay u hambalyaynaysaa cid kasta oo gacan ka gaysatay dilka Axmed Godane” Madaxweynaha Punt land

Garowe 06.Sep 2014 (SDN/QJ)- Maamul Goboleedka Soomaaliyeed ee Puntland,ayaa dawladda Maraykanka iyo cid kasta oo gacan ka geysatayba ku hambalyaysay dilka hoggaamiyaha kooxda Al-Shabaab oo ka dib markii ay dawladda Maraykanku ku dhawaaqday in ay dishay Hoggaamiye Axmed Cabdi Godane,amiirkii kooxda Al-Shabaab.

Madaxwaynaha Maamul Goboleedka Soomaaliyeed ee Puntland Cabdiweli Maxamed Cali Gaas ayaa sheegay  in ay guul weyn tahay dilka hoggaamiyaha kooxda Al-Shabaab oo dagaal kula jitay dawladda Soomaaliya iyo ciidanka midawga Afrika e ku sugan Soomaaliya isla markaana weeraro kale ka geystay Soomaaliya oyo dalalka geeska afrika.

“Puntland waa ay soo dhawaynaysaa waxaanay u hambalyaynaysaa cid kasta oo gacan ka gaysatay dilka Axmed Godane, maxaa yeelay waxa uu ahaa sharwadayaasha Soomaaliya kan ugu daran , marka hadii uu Soomaaliya dhaafay waxaan isleeyahay wax badan bay ka bedelaysaa dhibta ay argagixisadu ku haysay bulshada.” ayuu yidhi Madaxwynaha Maamul Goboleedka Soomaaliyeed ee Puntland Cabdiwali   Gaas

Garowe SDN/QJ

contact@qurbejoog.com