Guddoomiyaha xisbiga UCID oo magacaabay xilal mug leh
Hargeysa Aug 09,2014(SDN/QJ)-Guddoomiyaha Xisbiga Mucaaridka ah ee UCID Md Faysal Cali Waraabe ayaa u magaacabay xilal mug leh masuuliyiin ka hawlgeli doona dalka guddihiisa iyo dibeddiisa, Qoraalka magaacibada ayaa sidan u dhignaa sidan:
“Xisbiga Caddaalada iyo Daryeelka UCID markuu arkay baahida wayn ee loo qabo in la Magacaabo Xilalka Banaan ee Xisbiga.
Ka dib markii aanu aragnay kartidii iyo firfircoonidii ay muujiyeen muddadii ay Xisbiga ku soo jireen waxaanu u magacawnay Xilalakan soo socda:-
1. Xoghayaha Arimaha Dibada ee Xisbiga UCID – DR. Mohamed Abdillahi Mohamed (AAR)
2. Xoghayaha Duulista iyo Hawada ee Xisbiga UCID – Cabdiqani Ismaaciil Maxamed
3. Gudoomiye Ku Xigeenka Dalka Findland –
Cabdi Yuusuf Sujuu
4. Xoghayaha Dhalinyarada iyo Ciyaaraha ee Qaaradda Yurub- Md. Farxaan X. Ismaaciil Muuse.
Isla markaana waxa la farayaa Masuuliyiintaa kor ku xusan in ay hawshooda si dhakhso ah u bilaabaan kana soo baxaan waajibaadka loo igmaday.
Waxaanu Illaahay uga baryaynaa in uu u fuduudeeyo hawsha loo magacaabay.
ALLA MAHAD LEH
Gudoomiyaha Xisbiga UCID
Eng. Faysal Cali Waraabe
SDN/QJ-Hargeysa