Goobta Uu Madaxweyne Siilaanyo Salaadda Ciidul-Fidriga Shacabka Reer London Kula Tukan Doono Oo La Shaaciyey
London:July,24,2014(SDN/QJ)-Wakiilka Xukuumadda Somaliland u fadhiya wadankan Ingriiska Mudane Cali Aadan Cawaale ayaa Shaaciyay Goobta uu Madaxweyne Siilaanyo Oo Booqasho rasmi ah ku joog Dalka Ingiriisku Kula Tukan doono Salaadda Ciidda Shacabka Reer London.
Wakiil Cali ayaa Cayimaadda Goobtaas ku faahfaahiyey Qoraal uu soo dhigay Barta uu Face-book-ga ku leeyahay, waxana uu tilmaamay in Xaafadda Stonebridge Goob ku taalla uu Madaxweynuhu salaadda kula tukan doono shacabka maalinta Ciidda.
Shacabka ayaa Durtaba Su’aalo badan ka keenay Goobta loo qoondeeyey Tukashada Salaadda, iyadoo qaar badani ku tiraabeen in Goobtaasi tahay mid aanay ku badnayd shacabka reer Somaliland ee Magaalada ku dhaqani.
Qoraalka uu Wakiilku ku cayimay Goobta tukashada Salaadda, ayaa u dhignaa sidatan:
Dhammaan Jaaliyadda Somaliland ee ku dhaqan dalka UK gaar ahaan magaalada London waxaa farxad wayn inoo ah in Madaxweynaha Somaliland Md Axmed Maxamed Maxamuud oo Muddo kooban ku sugan wadankan UK uu kula tukanayo salaada ciidul fitriga shacabka somaliland maalinta ciida cinwaanka hoos ku qoran. Salaaddu waa mid keliya waxaanay bilaabmaysaa 8:30ka subaxnimo haddii alla idmo. Fadlan sijaayaddaada soo qaado.
Cinwaanka goobta:
The PAVILION Stonebridge Recreation
Hillside
NW10 8LW
Nearest station: Harlesden tube station
Bus no: 18
Wixii faah-faahin ah la xidhiidh:
Cali Aadan Cawaale 07957396330
Kaysar Maxamed 07901592642
Xariir Xirsi Adar 07588570023
Cabdiraxmaan M. Aadan 07939863928
Jama Olol 07985421871
SDN/QJ
Contact@somalidiasporanews.com