Agaasimaha Xafiiska Nabadgalyada iyo Badbaada Ee Dawlada Hoose Ee Hargeysa Oo Madaxweynaha Ku Hambalyeeyey Aasaasida Ciidamada Dab-Damiska
 Hargeysa()-Agaasimaha Xafiiska Nabadgalyada iyo Badbaada Caasimada Hargeysa Mr. C/qaadir Cumar Xaashi ayaa Madaxweynaha ku hambalyeeyey Aasaasida Ciidamada Dab-damiska Qaranka ee uu Madaxweynuhu Shalay ku dhawaaqay aasaasidooda Agaasimaha Xafiiska Nabadgalyada iyo Badbaada Caasimada Hargeysa Mr. C/qaadir Cumar Xaashi ayaa waxa uu sidoo kale ku dhawaaqay in cutubkii ugu horeeyey ee ciidanka dab-damiska laga aasaasay Caasimada isla markaana si rasmiya ay u shaaciyeen Numberka gaarka ah ee lagala soo xidhiidhayo marka masiibo dab timaado ciidaka Dab-damiska

Agaasimaha Xafiiska Nabadgalyada iyo Badbaada Caasimada Hargeysa Mr. C/qaadir Cumar Xaashi Oo War-baahinta Maanta la hadlay ayaa waxa hadaladiisii ka mid ahaa “Waxaan halkan Hambalyo uga madaxweynaha JSL oo maanlintii shalay digreeto ku shaaciyey Aasaasida iyo dhaqan galka xeerka ciidanka dab-damiska qaranka. waxay aheyd 18/3/2014 markii codsi wada jira ay madaxweynaha u gudbiyeen wasiirka wasaarada arimaha gudaha, wasiirka wasaarada madaxtooyada, wasiirka wasaarada howlaha guud, Duqa caasimda hargiesa iyo gudida horumarinta caasimada hargeisa kaasi oo lagaga codsadey in uu aasaaso ciidanka dabdamiska qaranka isla markaana madax uuga dhigo colonel axmed maxamed xasan sawaaxili iyo in uu dhulka ka danbeeya hayada shaqaalaha dowlada laga dhigo xarunta ciidanka dabdamiska qaranka. taasi oo uu ogolaadey isla markaana u direy garyaqaanka guud ee qaranka in uu soo diyaariyo xeerkan maanta madaxweynuhu shaaciyay”
Agaasimaha Xafiiska Nabadgalyada iyo Badbaada Caasimada Hargeysa Mr. C/qaadir Cumar Xaashi ayaa sidoo waxa uu soo badhigay Number Gaaban oo lagalasoo Xidhiidhayo Ciidaka Dab-damiska iasagoo arimahaasi ka waramayana waxa uu yidhi “Sidoo kale waxa maanta halkan ku daahfurayaa Number loo sameeyey Ciidanka Dabdamiska Caasimada 990 oo marka masiibo dab ay dhacdo markiiba bulshadu kasoo wici kartaa waxa iyana isla maanta heshiis kala saxeexday gudida horumarinta caasimada iyo shirkada daryeel kaasi oo shirkada daryeel ee dhismaha ka shaqeysaa ay ku dhisi doonto xarunta dabdamiska caasimada. waxa iyana bar bar socotey in baneynta iyo diyaarinta xaruntan oo siweyn uga qeyba qaateen gaadiidka cagaf cagafyada dowlada hoose ee hargeisa
Agaasime C/Qaadir Xaashi ayaa sidoo kale soo bandhigay muuqaalka cutubka ugu horeeyey ee loo tabobaro Ciidanka Dab-damiska caasimada isagoo arintaasi ka hadlaayana waxa uu yidhi “ugu danbeyn dhalinyarada siwirka ka muuqataa waa cutubkii u horeeyey ee ciidanka dabdamiska qaranka loo aasaasey oo tababar ku qaadanaya hoolka shirarka ee xarunta maamulka caasimada hargeisa. ”
Agaasimaha Xafiiska Nabadgalyada iyo Badbaada Caasimada Hargeysa Mr. C/qaadir Cumar Xaashi ayaa ugu danbayntii waxa uu Mahadnaq balaadhan usoo jeediyey Maayarka Caasimada Hargeysa isagoo arintaasi ka Hadkaayena waxa uu yidhi”ugu danbeyn waxaan hambalyo iyo bogaadin u dirayaaa duqa caasimada hargeisa iyo golaha deegaanka caasimada oo xilqaadey miisaaniyada iyo mushaharaadka ciidanka dabdamiska caasimada hargeisa”.