Madaxweyne Xasan Sheekh oo ka Gilgishay Warar sheegay inuu Madaxtooyada ka Orday Weerarkii Xalay,Beeniyayna Inuu dhaawac soo gaadhay isagoo Cadeeyay inuu Nool yahay Daawo

Muqdisho 09.July 2014 (SDN/QJ)- Shir jaraa’id uu madaxtooyadda ku qabtay Xasan Shiikh Maxamuud madaxwaynaha DF ayuu kaga hadlay weerarkii halista ahaa ee kooxda Alshabab kusoo qaaday Villa Smalia.

Xasan Shiikh Maxamuud oo dadku ay ka sugayeen tilaabadan ay ka qaadi doonan kooxda Alshabab ayuu ku hadaaqay inuu nool yahay isla markasna uu dhex fadhiyo Villa Somalia isla markasna waalidiinta looga baahan yahay inay caruurtooda Alshabab kala baxaan.

Waxa uu hadalkiisa ku sheegay masuul kasta oo DF ka tirsan inaysan wax saamayn ah kasoo gaarin weerarkii Kooxda Alshabab kusoo qaaday xarunta dowladda Muqdisho Xasan ayaa sheegay dowladdiisa inay hadda dhaaftay heerkii kooxda Alshabab ay ka carari lahayd.

Docda kale kooxda Alshabab ayaa sheegatay weerarkii caawa lagu qaaday Villa Somalia kaasoo ay ku tilmaameen inuu ahaa mid qorshaysay oo lala damacsana madaxda DF.

Weerarka Alshabab ay Caawa kusoo qaaday Villa Somalia ayaa iskugu jiray Is-miidaamin iyo weerar toos ah wuxuna socday wax ka badan hal saac iyadoona ilaa iyo hada lamaha amaanka ay san wax faah faahin ah kasoo saarin khasaaraha rasmiga ah ee uu dhaliyay.

Xasan Shiikh Maxamuud ayaa bilowgii Ramaadaan ku dhawaaqay barnaamij la yiraahdo NABAD KU AFUR kaasoo isku badalay naxdin ku afur maadama ay sii xoojisay kooxda Alshabab weerarada ka dhanka ah rayidka iyo masuuliyiinta dowladda.

Ma ahan markii ugu horaysay oo ay kooxda Alshabab weerar noocaan oo kale ah ay ku qaado xarunta Villa Somalia balse waxa uu imaanayaa xili saluug dhanka Amniga ah laga muujinayo Muqdisho.

Muqdisho SDN/QJ

contact@qurbejoog.com