7:22 pm | Posted by Webmaster

Madaxweyne Siilaanyo oo Gaadhi Gudoonsiiyay ardaygii ugu Sareeyay Tartan Qur’aan oo uu Qabanqaabadiisa lahaa,Khudbadihii laga Jeediyay {DHAGAYSO IYO SAWIRO}

Hargaysa 08.July 2014 (SDN/QJ)- Madaxweynaha jamhuuriyada Somaliland Mudane Axmed Maxamed Maxamud Siilaanyo ayaa Galabta Qasriga Madaxtooyada abaal marino kala duwan ku gudoonsiiyay arday ka socotay Gobolada dalka oo ka qayb qaadanayay Tartanka Qur’aanka Kariimka ah.

Wasiirka Diinta iyo Awqaafta Somaliland Sh. Khaliil C.laahi Axmed oo halkaasi ka hadlay ayaa tilmaamay sida ay Xukuumada uga go’an tahay kor u qaadista Kitaabka eebbe,Waxaanu intaas ku daray in Maanta idaacada Qur’aanka Kariimka ah laga dhagaysto dhamaanba gobolada Somaliland .

Xubno ka mid ah Gudida Qaban qaabada Tartankan ayaa Madaxweynaha Jamhuuriyada Somaliland ku amaanay agaasinka tartankan .

Madaxweynaha Jamhuuriyada Somaliland Mudane Axmed Maxamed Maxamud Siilaanyo oo Hadal kooban halkaasi ka soo jeediyay ayaa ku bogaadiyay ardaydii ka qayb qaadatay Tartankan dadaalkii ay Muujiyeen Waxaanu intaas ku daray in dawladu ay weynaynayso barashada qur’aanka kariimka ah.

Gaba gabadii Waxa uu Madaxweynuhu abaal marino kala duwan ku gudoonsiiyay ardaydii Kaalmaha hore ka gashay tartankaas.

Madaxweynaha ayaa ugu horaynba waxa uu gaadhi noociisu yahay TOYOTA NOAH gudoonsiiyey wiilkii hogaaminaayey Ardaydaasi ee kaalinta koowaad ku guulaystay iyo kaalinta labaad, saddexaad iyo Afraad, oo sidan u kala horeeya

1. Cabdilaahi Maxamed Cali (Gobolka Maroodi-jeex) kaalinta koowaad

2. Shucayb Maxamed Cabdilaahi (Gobolka Sool) labaad

3. Cabdiraxmaan Maxamed Jaamac (Gobolka Togdheer) saddexaad

4. Jamaal Cabdinaasir Xuseen (G/Maroodi-jeex) afraad

GUJI HALKAN OO MOBILKAAGA KA DHAGAYSO KHUDBADIHII LAGA JEEDIYAY ABAAL MARINTA TARTANKA QUR’AANKA KARIIMKA
[peckplayer id=”1″ sound=”http://www.qurbejoog.com/waraysiyo/Qur’aan08(1).mp3″]