Haween Soomaaliyeed Oo Ku Biiray Kooxda ISIS Ee Dalka Ciraaq Ka Dagaallamaysa
Manchester:July,06,2014(SDN/QJ)-Laba Hablood oo Mataano soomaaliyeed ah, ayaa Habeenkii xalay laga waayey Hoygii ay ka deggenayeen Magaalada Manchester ee Carriga Ingiriiska.
Labadan hablood ayaa la sheegay inay isla xalayba diyaarad ka soo raaceen dalka ingiriiska, iyadoo ujeeddadooda lagu sheegay inay ku biirayaan kooxda Daacish eek a dagaalamaysa Dalalka Syria iyo Ciraaq.
Gabdhahan 16-sano jiro ah ayaa Qoyskooda kula noolaa magaaladda Manchester, waxaana la sheegay inay u duuleen dhanka Turkiye oo ay ka sii aadayaan dalka Syria.
Gabdhahan oo asal ahaan Somalia ka soo jeeda laakiin heysta dhalashada dalka Ingiriiska, ayaa xalay 8am laga waayay Gurigii ay ku noolaayeen, waxana ay dibadda keeneen warwar hor leh oo la xidhiidh in kooxda ISIS dhawaaqoodu meel sare gaadhay.
Booliska magaalada Manchester ayaa sheegay inay baadhitaan ku sameyn doonaan arintan ayna ogaan doonaan sida Tikidhada loogu iibiyay Gabdhahan.
Wargeyska the sun ayaa laga soo xiganayaa in gabdhahan ay duulimaad toos ah ugu safreen dalka Syria ,waxaana la’aamisanyahay in walaalkood ooo ka weynaa uu ka mid yahay kooxda Dacish ee dalalka Syria iyo Iraq ka dagaalanta
SDN/QJ
Contact@somalidiasporanews.com